Ulteriur Grischun - Schiers: Drifts fineschan en flum
In giuven (15) è sa blessà il venderdi suentermezdi, cur ch’el fascheva drifts cun in auto cun limitaziun sin il diever agricul. El n’aveva betg permiss dad ir cun l’auto. Il giuven (17), ch’aveva il permiss dad ir cun l’auto, aveva surdà la maina a ses collega.
Cun viagiar il venderdi suenter las 17:00 en direcziun Schraubachtobel, han ils dus giuvens midà lieu en l’auto. Il giuven da 15 onns ha surpiglià il guvernagl. Fond drifts sin ina plazza da glera ha il giuven pers la controlla dal vehichel.
L’auto è cupitgà sur ina costa giu ed as ha fermà cumplettamain demolì sin il tetg. Ils giuvens èn rivads da sortir sez dal vrac. Il giuven da 15 è rivà cun ina squassada da tscharvè en l’ospital a Schiers.
