Siglir tar il cuntegn

Ulteriur Grischun Robert Cantieni sustegn direcziun da la scola da citad da Cuira

Robert Cantieni surpiglia dal schaner fin il zercladur 2018 ad interim la funcziun da vicedirectur da la scola da citad da Cuira. Reto Thöny surpiglia fin a ses pensiunament la fin da favrer la funcziun da directur da scola. Quai communitgescha la chanzlia da la citad.

Chasa da scola Quader a Cuira.
Legenda: Robert Cantieni è il vicedirectur ad interim. RTR, S. Degonda

Robert Cantieni da Ftan ha manà durant 10 onns la scola da Samedan. Sco la chanzlia da la citad da Cuira scriva haja el bler'experientscha. Dapi l'avust veglia Cantieni sa sviluppar en direcziun da cussegliaziun, coaching e perfecziunament sin champ da la scola populara. Cantieni rinforzia bain il team da direcziun da la scola da citad da Cuira durant la fasa da transiziun.

Reto Thöny surpiglia fin favrer post da directur

Reto Thöny, ch'era fin ussa vicedirectur, surpiglia fin a ses pensiunament la funcziun da directur. Il directur d'enfin ussa, Jann Gruber, banduna la scola pervia da differenzas d'opiniuns cun ses schef, il cusseglier da citad Patrik Degiacomi.

Il post da vicedirectur vegn scrit ora anc ina giada, per ch'il futur directur possia cundecider davart ses futur maun dretg.

RR novitads 14:00