Siglir tar il cuntegn
Inhalt

Ulteriur Grischun «rhiienergie» cun onn da success

L'interpresa d'energia grischuna «rhiienergie» ha augmentà marcantamain ses gudogn l'onn 2016. Cumpareglià cun l'onn avant è el creschì per 30%.

Christian Capaul, Mario Cavigelli e Markus Feltscher
Legenda: Il mainafatschenta Christian Capaul (sanester), Mario Cavigelli e dretg Markus Feltscher president cussegl d'administraziun. mad

L’interpresa grischun cun sedia a Tumein po nudar il 2016 in gudogn da 1’226’000 francs. La raschun per il resultat positiv sajan tranter auter ils pretschs bass per cumprar energia ma era ils gudogns ord las atgnas ovras da fotovoltaica. La vendita d’energia è s’augmentada il 2016 per 21%. La gronda part dals clients cumpran energias regenerablas (93%) da quels cumpran 95% energia ord da forzas idraulicas e 5% ord da ovras da solar da la regiun, scriva la «rhiienergie».

Cumprà enavos tut las aczias da la «Repower»

La «hiienergie» ha cumprà il 2016 tut las aczias enavos da l’interpresa «Repower», uschia che l’interpresa saja cumplettamain regiunala, scriva l’interpresa d’energia grischuna.

RR novitads 10:00