Resgia gronda a Domat daventa zona industriala

Il cussegl communal da Domat ha decis unanimamain da midar l'areal da la resgia gronda en ina zona d'industria.

Il 2010 aveva la resgia a Domat fatg concurs. Da lez temp vegniva ella manada la la gruppa da l'Austria Mayr-Melnhof.

Legenda da maletgs: Il 2010 aveva la resgia a Domat fatg concurs. Da lez temp vegniva ella manada la la gruppa da l'Austria Mayr-Melnhof. Keystone

La midada saja ina gronda schanza per la vischnanca da Domat, ha ditg la presidenta Beatrice Baselgia.

Il 28 da favrer ha il suveran da Domat da decider a l'urna davart la midada da niz da l'areal da la resgia gronda Vial-Tuleu.

Novas uras d’avertura per fatschentas

Vinavant ha il cussegl communal prendì encunter cun 11 da 15 vuschs la revisiun parziala da l’urden public e segirtad (lescha da polizia) areguard las uras d’avertura da las interpresas en vischnanca.

Il nov reglament prevesa las medemas uras d’avertura sco la citad da Cuira. Las novas uras d’avertura durant l’emna èn uschia da las 6:00 fin las 20:00.

Sche quai na dat nagin referendum aifer 30 dis, lura vegn questa revisiun parziala ad ir en vigur la primavaira 2016.

RR novitads 17:00 / 20:00