Siglir tar il cuntegn
cuntegn

Ulteriur Grischun Requirents d’asil en implants militars a Cuira

Ils centers da requirents d’asil en il Grischun èn pli u main plains, perquai vegnan ils implants militars dal servetsch civil puspè transfurmadas en dimoras per requirents d’asil.

requirents d'asil
Legenda: Ils requirents d'asil ston puspè prender alloschi en ils tschalers da refugi da Cuira. Keystone

Quai communitgescha la regenza grischuna. Dapi il matg datti proporziunal blers requirents d’asil che vegnan surdads da la confederaziun al chantun Grischun. Quai sajan surtut persunas che vegnan da l’Eritrea e che vegnan a restar in pli lung temp en Svizra, scriva la regenza grischuna.

Ils implants militars Plankis èn gia vegnids nizzegiads davent da l’october 2014 enfin il mars 2015 sco dimora per requirents d’asil. Tenor il cusseglier guvernativ Christian Rathgeb assegna la confederaziun al Grischun mintga mais tranter 50 ed 80 requirents d’asil. L’onn passà ha il Grischun surpiglià 607 requirents d’asil da la confederaziun. Quest onn quintan ins cun passa 800 persunas.