Siglir tar il cuntegn

Ulteriur Grischun Renovaziuns dals indrizs da sport a Cuira èn in pass vinavant

Il cussegl communal da Cuira ha ditg cun 18 vuschs gea, naginas cunter-vuschs e 2 abstenziuns cleramain gea al plan da master da la suprastanza per l’infrastructura da sport sin la Obere Au.

Urs Marti ed il plan da master
Legenda: Il president da Cuira Urs Marti ed il plan da master ch'è vegni approvà clermain dal cussegl communal da Cuira. RTR

Quest plan è ina skizza, co l’infrastructura da sport duai vegni renovada e bajegiada ora. Tenor il plan vegnan singuls projects elavurads e lura mess avant al cussegl communal e sche necessari al pievel. L'emprim project è gia tras. Il cussegl communal ha ditg unanimamain gea a la construcziun d’in plaz da ballape artifizial a l’Obere Au. Quel custa 2.5 milliuns francs. Sch’i na vegn betg fatg diever dal referendum facultativ, pon las lavurs gia cumenzar igl atun.