Siglir tar il cuntegn

Header

cuntegn

Ulteriur Grischun Remo Stoffel venda abitaziuns a la Swiss Life

L'interprendider ha vendì la maioritad da las abitaziuns da la Priora Immobiglias SA per passa 213 milliuns francs a l'assicuranza Swiss Life. Quai è publitgà en il Figl uffizial Grischun.

En l'avegnir veglia l’interpresa sa concentrar sin sia fatschenta principala, numnadamain quella cun localitads da fatschenta. Quai ha ditg il cussegliader da relaziuns publicas da Remo Stoffel envers il Bündner Tagblatt.

La Priora Immobiglias SA ha decidì a l'entschatta da l'onn da sa concentrar be pli sin la sparta da localitads da fatschenta. Sinaquai haja il cussegl d'administraziun decidì da vender tut las immobiglias d'abitar en l'entira Svizra tudestga sco pachet. Quest pachet ha uss l'assicuranza Swiss Life cumprà. La Priora prevesa d'investir il retgav en il nov areal da fatschenta Airport-City a l'eroport da Turitg.

RR novitads 07:00

Artitgels legids il pli savens