Siglir tar il cuntegn
Inhalt

Ulteriur Grischun Quatter vials per l’A13 er suenter Reichenau

La regenza grischuna pretenda da la Confederaziun da prender mesiras per la ruta dal San Bernardino. Uschia duai il traject da l’autostrada tranter La Punt/ Reichenau ed il tunnel da Islabella vegnir engrondida sin quatter vials.

Colonnas sin l'A13 tranter Cuira e Domat.
Legenda: Colonnas sin l'A13 tranter Cuira e Domat. Keystone

La ruta dal San Bernardino è la segund impurtanta ruta da transit tras las alps, scriva la regenza grischuna. E gia oz dettia quai savens colonnas e bler traffic. Cun las mesiras proponidas, d’engrondir il traject tranter La Punt/Reichenau ed il tunnel da l’Islabella sin quatter vials, duajan talas colonnas vegnir evitadas ed era la segirezza da traffic duai uschia vegnir megliurada, scriva la regenza grischuna.

Prendi invista al plan sectorial da la Confederaziun

La regenza grischuna beneventa che quai dat uss ina vista cumpletta ma tuttina manchia anc la relaziun tar il fond per las vias naziunals e d’aglomeraziun ed uschia la recepziun da bun 400 kilometers via en la rait da vias naziunala, scriva la regenza.

Pretensiuns concretas en il Partenz ed il Mesauc

Per il chantun Grischun èsi legraivel che la cumplettaziun e sanaziun da la via tras il Partenz appartegn tar il program per las vias naziunalas. Era la colliaziun cun l’A13 a Grono en il Mesauc vegn beneventada da la regenza.

RR novitads 09:00