Siglir tar il cuntegn
Inhalt

Ulteriur Grischun Quatter blessads tar accident sin A13

Sin l'autostrada A13, en il sid dal tunnel dal San Bernardino, hai dà dumengia in accident cun trais autos. Quel ha chaschunà quatter persunas blessadas.

Auto donnegiâ.
Legenda: Auto ch'è vegnì sin il vial oppost. MAD

In manischunz dad 85 onns è viagià a las 15:45 ensemen cun sia dunna dal San Bernardino en direcziun sid. En il tunnel Landrüfe è el tenor la polizia chantunala vegnì cun ses vehichel sin il vial oppost. Là è el collidà cun dus autos che vegnivan encunter.

Quatter lev blessads

Il manischunz e sia dunna èn vegnids blessads mez lev. Els èn vegnids transportads cun l'ambulanza en il spital a Bellinzona. Duas persunas en in auto che vegniva encunter èn vegnidas blessadas lev. Ellas èn vegnidas transportas cun l'ambulanza tar il medi d'urgenza.

La polizia ha stuì sviar il traffic durant duas uras e mesa sur la via chantunala.

RR novitads 16:00