La punt ad artg da l’inschigner svizzer Robert Maillart è vegnida projectada l’onn 1929 e fabritgada l’onn 1930. Ella è ina punt da via sin in traject en il Partenz, numnadamain quel da Schiers si sur la chavorgia da la Salgina a Schuders.
Capodovra tecnica en tipologia nova
La punt «Salginatobel» è construida en cement armà e marchescha uschia ina nova tipologia da punts, che na correspunda betg pli al stil tradiziunal da puncts fabritgadas en crap. Perquai vala ella sco capodovra architectonica e tecnica dal 20avel tschientaner – ed è part da l’instrucziun a diversas scolas autas tecnicas da tut il mund.
Gia l'onn 1992 aveva la societad americana dad inschigners civils dà a la punt dal Salginatobel il titel dad in monument internaziunal da l’art dals inschigners - la Svizra Rumantscha aveva rapportà (video da vesair survart).
Ina punt e duas guauds duajan vegnir part dal patrimoni mundial
Sper la punt dal Salginatobel propona il Cussegl federal er da metter sin la glista da candidaturas ils guauds da fau da la Val di Lodano en il Tessin e quel dal Bettlachstock en il chantun Soloturn.
RR novitads 11:30