Ulteriur Grischun - Proxim pass per las chamonas sin plantas a Madrisa
A Claustra vegnan lubì da construir chamonas sin plantas per pernottar. La purschida da l'uschenumnà pajais d'uffants en il territori da skis Madrisa po vegnir sviluppà a moda raschunaivla.
La regenza grischuna ha approvà l'engrondiment da la zona da gieu che l'anteriura vischnanca da Saas aveva concludì. La finamira è da pudair construir en la regiun da la staziun mez da las pendicularas Claustra-Madrisa 10 chamonas sin plantas. Las chamonas duajan esser construidas per pernottar ed era esser adattadas per uffants cun impediments, scriva la regenza grischuna.
