Promoziun da lingua a Cuira sin buna via

En vista a l'entrada en la scolina han ils servetschs socials tramess als geniturs in questiunari davart las enconuschientschas da lingua. Radund la mesadad dals uffants discurran a chasa be tudestg, quai resulta da l'analisa.

Il stan da linguas a Cuira (2016) Citad da Cuira / Universitad da Basilea

49% da tuts uffants naschids l’onn 2012 discurran a chasa mo tudestg. In bun terz è biling, discurra pia duas linguas e 4% discurran schizunt trais linguas.

En il rom spetgà

Per 30% dals uffants è tudestg la segunda lingua e 62 uffants (22%) han memia paucas enconuschientschas da tudestg per la scolina. Els survegnan il cussegl da sa participar al program da promoziun tempriva. 15% dals uffants pledan be ina lingua estra e n’han praticamain nagin contact cun la lingua tudestga.

276 geniturs han survegnì il questiunari e sulet dus n'han betg tramess enavos el. Evaluà ha l’Universitad da Basilea lura 271 questiunaris valaivels.

RR novitads 12:00