Siglir tar il cuntegn
Inhalt

Ulteriur Grischun Probablamain nagina «Schlossoper» fin il 2021

22 concerts – classic sinfonics fin tar cumbinaziuns modernas sco p. ex. opera e pop, classica e jazz u er istorgias per uffants enramadas cun musica da l'orchester.

program da la filarmonia da chombra dal Grischun
Legenda: Pervi dal giubileum il 2019 cumpiglia il program da la filarmonia da chombra questa giada be in mez onn. RTR, Gion Gieri Flepp

Sin il program da filarmonia da chombra per questa stad fin la fin da l'onn èn tranter auter:

  • la «Gran Partita» da Mozart
  • il concert per violoncello ed orchester da sturs da Friedrich Gulda
  • Ovras da Leonard Bernstein e George Gershwin sco p. ex. «West Side Story» u er «Rhapsody in Blue»
  • Andrin Berchtold da «From Kid» ensemen cun la chantadura d'opera Daniela Ruth Stoll preschentan ina maschaida da pop ed opera

«Schlossoper» croda pervi dal giubileum

L'opera al chastè da Haldenstein croda pli probabel fin l'onn 2021. Quai ha ditg la presidenta da la filarmonia da chombra dal Grischun, Jacqueline Giger Cahannes, a chaschun da la preschentaziun dal program dal 2018. La raschun è il giubileum da 30 onns che la filarmonia festivescha il 2019. Per quel datti in program spezial che vegn preschentà la fin november 2018.

Cun l'opera sin il chastè vulan ils responsabels lura festivar pli tard la 10avla ediziun. Per pudair deditgar il program cumplettamain als singuls giubileums hajan ins decidì da spustar la proxima «Schlossoper».

RR novitads 16:00