I saja pussaivel ch'i dettia sur Flem e Trin ina segunda rotscha lufs. Quai ha ditg Adrian Arquint, il manader da l'Uffizi da chatscha e pestga dal Grischun, envers Radiotelevisiun Svizra Rumantscha. La gruppa «Luf Svizra» ha rimnà indizis che mussian ch'ina tala rotscha existia.
En il territori dal segund triep da lufs èn crudads giu las davosas trais emnas gist dus lufs giuvens. L'analisa dals cadavers ch'ins spetga en duas emnas duai mussar si la derivanza dals lufs giuvens crappads.
RR novitads 11:00
