Siglir tar il cuntegn

Header

cuntegn

Ulteriur Grischun Prest 3 milliuns francs donn per la Chasa da Parcar Cuira SA

Or d'in dals pli gronds cas da criminalitad economica, resulta per la Chasa da Parcar Cuira SA in donn da prest 3 milliuns francs. I sa tracta dal cas da fraud supponì tar il fiduziari Allemann/Zinsli e partenaris.

I sa tractia d'in dals gronds cas da criminalitad economica en Svizra. A quella conclusiun vegnan las inquisiziuns che la Chasa da Parcar Cuira SA ha laschà far spezialists externs a Turitg. In donn da bunamain 3 milliuns en connex cun il cas da fraud e sfalsificaziun da documents tar la firma da fiduziaris Allemann/Zinsli a Cuira. Da quest fiduziari era la Chasa da Parcar Cuira SA client.

Il donn è sa resultà sur in temp da 4 onns e correspunda a la svieuta annuala che la societad che maina las chasas da parcar City, Lindenquai e Stadtbaumgarten fa.

Il donn na periclitescha betg il manaschi e la liquiditad da la Chasa da Parcar Cuira SA.
Autur: Romano Cahannes President dal cussegl d'administraziun

Christian Hummel denunzià

Ulteriur cas enconuschent

Avrir la box Serrar la box

Christian Hummel, l'anteriur president dal cussegl d'administraziun dal fiduziari Allemann/Zinsli, vegn era suspectà d'avair cugliunà la pravenda da Bogn Ragaz-Pfäfers. Quai sco cassier. Tar la plaiv discurran ins d'ina summa da radund 800'000 francs.

Il schaner è la denunzia encunter Christian Hummel pervia da fraud e sfalsificaziun da documents vegnida enconuschent. Christian Hummel era l'anteriur president dal cussegl d'administraziun dal fiduziari Allemann/Zinsli. Ses frar schumellin, Johannes Hummel, è sez ì en la publicitad e declerà d'avair inoltrà ina denunzia penala.

Quants daners che Christian Hummel ha propi defraudà n'è anc betg sclerì. Sper la Chasa da Parcar Cuira sajan anc plirs clients pertutgads. Quai è uss chaussa da la procura publica dal Grischun d'intercurir.

Hummel vegn era suspectà d'avair cugliunà la pravenda da Bogn Ragaz-Pfäfers. Quai sco cassier. Tar la plaiv discurran ins d'ina summa da radund 800'000 francs.

Artitgels legids il pli savens