Siglir tar il cuntegn

Header

Navigaziun

In exchavatur da l'armada transportescha giatters.
Legenda: Il militar ha cumenzà cun las preparativas per il WEF 2017. Keystone
cuntegn

Ulteriur Grischun Preparativas per WEF 2017 han cumenzà

L’armada svizra ha cumenzà cun las preparativas usitadas per il WEF a Tavau. Sco il Departament federal da defensiun scriva èn il mument 106 militars a Tavau en acziun.

Il mument è l’armada londervi da preparar il dispositiv da segirtad e la logistica necessari. Il parlament ha gia decis che 5’000 militars prestan in servetsch d’assistenza. A Tavau sez vegnan militars da professiun en acziun per proteger las persunas e controllar l’access al forum d’economia.

La milissa militara fa la logistica

La schuldada da la milissa vegn a prestar la logistica necessaria sco il servetsch sanitar ma era la regulaziun dal traffic. Ordvart Tavau segirescha l’armada era l'infrastructura e las truppas han ina funcziun da polizia.

Era la segirtad dal spazi aviatic è chaussa da la Confederaziun

L’aviatica militara segirescha durant il WEF anc supplementarmain l’inscunter e quai 24 uras. Era collavurescha l’aviatica militara svizra cun quella da l’Austria. Per il chantun Grischun sgola l’aviatica militara era anc transports e fa exploraziuns.

Il WEF a Tavau ha lieu dals 13 da schaner fin ils 23 da schaner.

RR novitads 15:00