Siglir tar il cuntegn

Header

Video
Teater davart in cumbat per la pussanza
Or da Actualitad video dals 13.01.2015.
abspielen
cuntegn

Ulteriur Grischun Premiera da «Die Vernichtung des Thomas Massner»

«Die Vernichtung des Thomas Massner» ha num l'atgna producziun dal teater Klibühni a Cuira, che ha premiera ils 20 da schaner. Raquintada ed analisada vegn l'istorgia da la figura reala Thomas Massner.

Thomas Massner è stà in commerciant retg da Coira, ha riscà la dispita cun il retg da la Frantscha, ed è en Grischun vegnì memia privlus per la dinastia dals von Salis.

Ier ed oz»

Cunter Massner han ils von Salis agità cun repartir pamflets en la populaziun. Per l'autur e reschissur dal toc Sören Senn è quai in aspect interessant ch'el cumpareglia cun quai che capita oz en l'internet. Numnadamain sche ina persuna ha pers la favur da la massa e vegn bumbardada cun in uschenumnà shitstorm.

Teater modern da fatgs istorics

Il toc da Sören Senn destillescha las bleras funtaunas istoricas ch'èn avant maun tar Thomas Massner. Medemamain lavura il reschissur cun fitg paucs requisits. E las duas figuras dal toc, la vaiva ed il figl da Massner, portan costums stilisads e discurran ina lingua stilisada. Tiers quai datti rupturas el toc. Uschè sa chattan las duas figuras tuttenina el temp dad oz, en ina talkshow da l’emettur fictiv Telegrischa.