Siglir tar il cuntegn
Inhalt

Ulteriur Grischun Premi da musica per Kappeler e Kienberger

La pianista da jazz Vera Kappeler, naschida a Basilea ed il musicist da teater da l'Engiadina, Jürg Kienberger, èn dus da 15 musicists e musicistas en Svizra che survegnan il premi da musica dal BAK ch'è dotà mintgamai cun 25'000 francs.

Pianista.
Legenda: La pianista da jazz Vera Kappeler vegn undrada cun il premi da musica dal BAK. Keystone

L'artista da tastatura nundumagnabla...

Vera Kappeler da Haldenstein è ina da 15 artistas ed artists svizzers che vegnan onurads quest onn cun il premi da musica da l'Uffizi federal da cultura (BAK). Il premi è dotà cun 25'000 francs. Il premi vegn surdà ils 22 da settember 2017 en la caserna a Basilea.

Sco quai ch'il BAK scriva en sia argumentaziun, saja Vera Kappeler «in'artista da tastas betg domesticabla ch'ins na possia betg metter en in truchet». En tut sias ovras saja da sentir sia creativitad. Kappeler è naschida il 1974 a Basilea.

...ed il poet plain fantasia

Jürg Kienberger è naschì il 1958 a Segl ed autodidact. El numna sasez «giugader da musica» e fascinescha cun sia vusch da tenor e giug virtuos sin tut quai che ha tastas. Passa 125 tocs ha el mess en musica (rezitativist en «Figaro» da Mozart u sias lavurs cun Christoph Marthaler «Murx den Europäer»). Er solo, adina en collavuraziun cun sia dunna Claudia Carigiet, sa mussa Kienberger adina sco artist cun fina ironia e musicalitad (per exempel en «Galgaboda» u la chatscha da strias).

RR novitads 11:00