Siglir tar il cuntegn

Header

Navigaziun

Bainvegni per Heinz Brand en il foyer da l'ustaria City West a Cuira.
Legenda: Bainvegni per Heinz Brand en il foyer da l'ustaria City West a Cuira. G. G. Flepp
cuntegn

Ulteriur Grischun PPS: Gronda victoria – pitschna festa

In segund sez en il cussegl naziunal ed il candidat cun las pli bleras vuschs da tut ils 5 represchentants grischuns a Berna – per la PPS betg motiv avunda da far festa gronda la saira da la victoria.

Enturn las 18:30 èn Magdalena Martullo-Blocher e Heinz Brand vegnids beneventads cun grond applaus en il foyer da l’ustaria City West a Cuira. Silsuenter hai dà in curt pled d’engraziament en la stanza da seminari da l’ustaria e lura èsi vegnì fatg viva. Buffet ubain insatge da piclar n’hai dentant betg dà.

Per ils blers da las radund 100 persunas preschentas, sco era per Heinz Brand e Magdalena Martullo-Blocher era cler: «I n’è betg da far festa gronda, damaun èsi puspè da lavurar.»

La nova cussegliera naziunala Martullo-Blocher ha dentant ditg ch’ella veglia schon anc festivar la victoria cun ina festa pli gronda anc avant la sessiun. Cura, co e nua n’è dentant anc betg cler.