Siglir tar il cuntegn
Inhalt

Ulteriur Grischun Posthotel ad Arosa vegn stgarpà giu

L'hotel, ch'aveva piglià fieu ils 30 da december, sto vegnir stgarpà giu. Las examinaziuns dals ultims dis hajan mussà ch'i na dettia nagina alternativa. Uschia confirmescha il commember dal cussegl d'administraziun Alain Cheseaux ina novitad da l’Aroser Zeitung envers RTR.

Il Posthotel ad Arosa suenter il grond incendi.
Legenda: Il Posthotel ad Arosa suenter il grond incendi. RTR, Nadja Cadonau

La suprastanza da la vischnanca d’Arosa ha ordinà che la possessura stoppia cumenzar a stgarpar giu il bajetg fin ils 20 da favrer. Quai scriva la gasetta Südostschweiz dals 4 da favrer. Cura che las temperaturas giajan ad aut, creschia il privel che las ruinas da l’hotel sbalunian. Per ordinari èn scumandadas lavurs da construcziun ad Arosa durant la stagiun d’enviern.

L'incendi en il Posthotel era rut ora la notg sin Silvester en il plaun sutterran.
Il fieu aveva pir pudì vegnir stizzà suenter 36 uras. Trais persunas eran vegnidas blessadas. La raschun per l'incendi n'è anc betg enconuschenta.

RR novitads 11:00++