Siglir tar il cuntegn

Ulteriur Grischun Populaziun da Domat è averta per requirents d'asil

Il chantun prevesa da far a Domat sut la scola Caguils in center temporar per requirents d'asil, quai ha l'Uffizi per migraziun confermà. Informaziuns detagliadas na datti dentant anc betg. Sco emprim less il chantun infurmar la populaziun da Domat mesemna proxima.

Legende: Video In center per requirents d'asil a Domat abspielen. Laufzeit 3:26 Minuten.
Or da Telesguard dals 25.09.2015.

Cusseglier guvernativ Christian Rathgeb è dentant plain fidanza ch'in na vegnia betg a dar gronda opposiziun. Ins sentia che la populaziun haja chapientscha.

La chapientscha è era d'udir sin las vias a Domat. «Quai è glieud che ha basegn d'agid, quels na disturban betg», di in um. Ina dunna aschunta: «Quai è uschè povra glieud, insanua ston els ir» u «sche nus savain dar in suttetg, pertge betg?»

Statements che plaschan tschert er al cusseglier guvernativ Rathgeb. I saja numnadamain anc adina uschia, che be dumandar las vischnancas da metter a disposiziun centers na porti betg bler success. Dentant el na exclauda betg ch'el vegnia a far las proximas emnas in appell a la vischnancas da sa gidar da chattar novs centers da transit.