La notg sin venderdi, ils 8 da schaner 2021 è vegnì rut en en almain nov mises sin il territori communal da Fanas en il Partenz. Quai communitgescha la Polizia chantunala. Nunenconuschents èn entrads cun forza en mises en la fracziun Munt. Els han engulà ord pliras tegias daners ed en in cas in perspectiv.
La fracziun è cun la situaziun actuala grev da cuntanscher , uschia poi esser che singuls possessurs n'han anc betg remartgà ch'igl è vegnì rut en en lur tegia. Ils nunenconuschents han ultra da quai empruvà da rumper si la porta da l'anteriur lavuratori communal a Fanas. La Polizia chantunala dal Grischun supplitgescha persunas che han vis insatge da s'annunziar.