Siglir tar il cuntegn
Inhalt

Ulteriur Grischun Plirs blessads tar accident a Schiers

Sin la via chantunala dal Partenz damanaivel da Schiers èn trais persunas vegnidas blessadas mardi d'in accident da traffic.

Accident cun auto.
Legenda: Duas persunas èn vegnidas blessadas grevamain da l'accident datiers da Schiers. MAD

Sco quai che la Polizia chantunala communitgescha, sajan duas persunas vegnidas blessadas grevamain ed ina persuna levamain.

Dus autos èn collidads da la vart mardi suentermezdi. Omadus manischunzs han stuì vegnir deliberads da lur autos. Ils dus grev blessads èn vegnids transportads cun la Rega en l'ospital chantunal a Cuira, respectivamain a Son Gagl.

Il passagier lev blessà ha pudì vegnir tractà ambulantamain. Il traffic è vegnì devià per stgars quatter uras sur la via chantunala veglia.

Ils autos han in donn total. Daco ch'i ha dà la collisiun, n'è anc betg cler. La Polizia chantunala e la procura publica investigheschan en chaussa.

RR novitads 09:00