Siglir tar il cuntegn
Inhalt

Ulteriur Grischun Playoff per il HCD è er sfida per la Retica

Per ch'ils fans da hockey possian vegnir er cul traffic public als gieus datti trens spezials da la Viafier retica VR. Uss, en la fasa da playoff, spetgan ils trens bain pli ditg – ma er quella fasa haja ina limita, di la VR.

tren durant la notg.
Legenda: Ils trens spezials da la VR spetgan als fans suenter ils gieus da playoff. RTR

Las novas reglas en la liga naziunala da hockey pretendan ch'ils gieus da playoff vegnan, en cas da pari, prolungads enfin ch'i dat in gol. E quai senza sajettar penaltis. Las partidas pon perquai ir pli ditg.

La Viafier retica VR spetga dentant be enfin l'ina da notg. Alura parta il tren spezial per Cuira. Tenor la pledadra da la Retica, Yvonne Dünser, avess quai da tanscher.

Sper il tren spezial da Tavau a Cuira porscha la Retica a partir dals mezfinals er ina colliaziun speziala en l'Engiadina.

RR actualitad 07:10