Siglir tar il cuntegn

Header

Navigaziun

Legenda: Guardar il video Di mundial dal patrimoni audio-visual. Durada 02:59 minutas.
Or da Actualitad video dals 27.10.2015.
cuntegn

Ulteriur Grischun Per l’egl e per l’ureglia

L’UNESCO ha declerà ils 27 d’october sco Di mundial dal patrimoni audiovisual. Sin l’entir mund vegn fatg attent a l’impurtanza dals maletgs e dals tuns per la memoria collectiva, uschia era en il Grischun.

L’archiv chantunal dal Grischun e la biblioteca chantunala dal Grischun preschentan oz lur stgazis istorics or da lur inventaris a la populaziun. En pliras staziuns sin quatter plauns pon ins uschia guardar là oz films e tadlar contribuziuns da tun ch’èn vegnidas digitalisadas sco era fotografias, placats e cartas postalas.

I sa tracta da documents istorics e culturals ch’èn fitg impurtants per il Grischun: e quai era sch’els mussan la vita quotidiana e paran d’esser banals.

Senza da quels films giess la vita quotidiana d’antruras, per exempel sco igl vegniva fatg fain ils onns 1940 en il Grischun a perder
Autur: Andri Janettcollavuratur scientific

Perquai na rimnia ed archiveschia la biblioteca e l’archiv chantunal betg mo las chaussas che paran d’esser impurtantas, sco per exempel ils pleds da politichers, mabain quasi tut ils mediums ch’èn u han in connex cun il Grischun, di Janett.

L'exposiziun

L'exposiziun en l’archiv e la biblioteca chantunala è mo oz, ed ha avert anc fin las 17:30. Las visitas guidadas d'ina ura, nua ch'i vegn tranter auter era mussà co ins fascheva avant varga 100 onns fotografias, èn a las 12:30 ed a las 17:30. Annunziar na ston ins betg ed igl è gratuit.