Pendicularas Term Bel cuntentas, però en 2 onns vegni stgars …

Las pendicularas Cuira-Term Bel (Chur-Dreibündenstein) serran l'onn da gestiun 2016/2017 cun resultat solid: Ina stad da record 2016 ha cumpensà l'enviern problematic 2016/2017.

cabina da la pendicularas

Legenda da maletgs: Las pendicularas Cuira-Term Bel marschan anc – ston però procurar per dapli daners en l'avegnir. RTR, Hugo Schär

Sut il stritg han las pendicularas pudì nudar in gudogn da radund 13'000 francs. Tar ina summa da bilantscha da bun 6 milliuns francs pia in quint equilibrà.

+13,6% giasts la stad 2016

Las pendicularas Brambrüesch han nudà la stad 2016 per 13,6% dapli giasts che anc l’onn avant, era la svieuta è vegnida augmentada la stad passada per 33,6% sin in nov record. Per l’emprima giada èn las cifras da la stagiun da stad tuttina autas sco quellas da la stagiun d’enviern, communitgeschan las pendicularas.

-21% giasts l'enviern 2016/17

La stagiun d’enviern 2016/2017 ha cumenzà a partir dal schaner 2017 ed è stada a fin gia il mars, uschia han las pendicularas da Brambrüesch nudà in minus da circa 21% tar ils giasts – tar la svieuta radund minus 10%.

RR novitads 11:00