Siglir tar il cuntegn
cuntegn

Ulteriur Grischun Party dal Bolgen a Tavau cuntinuescha

I n’è betg finì cun l’après-ski sin l’areal dal Bolgen a Tavau. Sin l’areal da parcadis dal Jakobshorn vegn construì in chalet temporar ch’è avert fin las 23:00. Sco la gasetta Südostschweiz scriva saja avant maun la lubientscha da la vischnanca.

La terrassa dal restaurant Bolgen a Tavau.
Legenda: La terrassa dal restaurant Bolgen a Tavau. Keystone

A Tavau po cuntinuar la festa dal local d’après ski Bolgen Plaza. Il cussegl communal ha dà la lubientscha da construir ina chasa da laina sin l'areal da parcadi da las pendicularas dal Jakobshorn, uschia la Suedostschweiz.

Nov chalet, avert fin las 23:00

L'areal da parcadis è be paucs pass davent dal local Bolgen Plaza. Cunquai che lez sto serrar las portas la saira a las 19:00 sin fundament d'ina decisiun dal Tribunal federal, vulan las pendicularas Tavau Claustra uschia porscher in'alternativa.

Il chalet ha ina surfatscha da radund 200m2 e duai vegnir avert ils 26 da december. Tenor las pendicularas vegn il nov local mintgamai voluntarmain a serrar a las 23:00. Quai malgrà ch’ì fiss lubì in’avertura fin las 02:00.

RR novitads 07:30