Siglir tar il cuntegn
Inhalt

Ulteriur Grischun Parlament da Cuira di na a scolas bilinguas englais-tudestgas

Il parlament ha vulì savair nagut da l'incumbensa da la Partida burgais democratica.

Cudeschs da scola englais-tudestgs
Legenda: Il parlament da Cuira è da l'avis ch'ils uffants duain emprender endretg lur emprima lingua e pir lura englais. Keystone

La partida burgais democratica (PBD) vuleva ch’il cussegl da la citad introduceschia scolas bilinguas englais-tudestgas. Il parlament ha uss refusà cleramain questa incumbensa. Quai na saja betg necessari d’introducir talas scolas bilinguas cun englais. Pli impurtant saja da guardar ch’ils uffants emprendien endretg lur emprima lingua ha ditg Patrik Degiacomi il cusseglier da la citad responsabel.

Ina visualisaziun dal nov bajetg planisà da la «Inventx».
Legenda: Ina visualisaziun dal nov bajetg planisà da la «Inventx». mad

«Invetntx» survegn il dretg da bajegiar

Il parlament da Cuira ha decidì unanimamain da surdar a la firma «Inventx» il dretg da bajegiar sin l’areal dal anteriur lavuratori forestal en il center da la citad da Cuira. Questa firma vul engrondir sia sedia e construir in nov bajetg.

En il futur vul la firma d'informatica porscher 200 plazzas da lavur a Cuira. En il bajetg duain alura er avair plaz pliras abitaziuns ed l’archiv da la citad., il link avra en ina nova fanestra La «Inventx» porscha tranter auter servetschs dad IT per bancas.

Ils 21 da matg sto il suveran da Cuira decider definitivamain sche la «Inventx» duai er propi survegnir il dretg da bajegiar.

Nagin sistem electronic

Gist tar questa votaziun ha quai dà irritaziuns. Il resultat final era alura 13:5 uschia che quai na dat nagin sistem electronic per las votaziuns en il parlament da Cuira.

RR novitads 17:00