Siglir tar il cuntegn

Header

Navigaziun

Parcadis vits a l'Obere Au a Cuira.
Legenda: Damain parcadis occupads a l’Obere Au, ed uschia era damain entradas per la citad da Cuira. RTR, L. Cadonau
cuntegn

Ulteriur Grischun Parcar gratuit a Cuira n’è betg pli uschè simpel

Dapi il schaner 2015 è il parcadi da la Obere Au a Cuira mo pli per in’ura gratuit. Avant era quel il parcadi preferì da blers, perquai ch’il parcar era gratuit e senza limita da temp.

Quai èn temps passads, ed il parcadi n’è betg pli uschè plain sco anc avant in pèr mais. Nua èn tut quels autos parcads ozendi?

Il parcadi a l’access da l’autostrada A13, tranter Tumein e Domat.
Legenda: Il parcadi a l’access da l’autostrada A13, tranter Tumein e Domat. RTR, L. Cadonau

Parcar e seser el tren

Duas alternativas èn enconuschentas, il parcadi a l’access da l’autostrada A13 a Domat, ed ils parcadis publics a Cuira. A Domat è il parcadi dapi l’introducziun da taxas a l’Obere Au pli plain ch’avant. Ils pendularis parcheschan là lur auto e van il davos toc cun tren da Domat a Cuira. Quella observaziun confirmescha Peter Stirnimann dal Uffizi chantunal da construcziun bassa.

Chasa da parcar sco alternativa

Ed in augment da dumondas per in parcadi fix en las chasas da parcar en il center da Cuira confirmescha Romano Cahannes. El è president dal cussegl d’administraziun da la Parkhaus Cuira SA, ch’è responsabla per 3 parcadis publics a Cuira. Quai augment saja dentant puspè sa normalisà.

Ulteriuras alternativas per parcar existan a Cuira e conturn, parcadis gratuits èn dentant fitg grev da chattar.