Siglir tar il cuntegn

Header

Navigaziun

Patrik Degiacomi, René Schnoz ed Alexandra Furler.
Legenda: Patrik Degiacomi, René Schnoz ed Alexandra Furler. RTR, Prisca Bundi
cuntegn

Ulteriur Grischun Paraulas e ditgas vegnan a Cuira

Ils 22 fin ils 24 da settember èn a Cuira ils emprims dis da ditgas e paraulas da las alps. Organisà vegnan quels dis dad Alexandra Furler, ina Tudestga ch'è vegnida per schabetg sin Cuira.

Davent dals 22 fin ils 24 da settember sa transfurma la chapitala grischuna quasi en in paradis da paraulas, legendas e ditgas. Lura è numnadamain l'emprima ediziun dals dis da ditgas e paraulas da las alps. Durant in'entira fin d'emna datti uras da raquintar istorgias, teaters, referats, discussiuns da podi u schizunt spassegiadas e quei tut sut il motto ditgas e paraulas.

Pertge a Cuira?

La raschun daco che quels dis han lieu precis a Cuira è simpla. L'um da l'inizianta tudestga Alexandra Furler ha gia collavurà pli baud cun la citad da Cuira ed ha ditg «pruvar ina giada». E quai ha ella fatg ed uschia è l'event naschì. Sustegnì vegnan ils dis da ditgas e paraulas da la citad da Cuira cun 50'000 francs. Dasperas sustegna er il chantun l'occurrenza ed i dat ina collavuraziun cun la Lia Rumantscha, cun il teater Cuira e cun ulteriurs auters.

RR actualitad 17.00