Siglir tar il cuntegn

Ulteriur Grischun Para ski: Claustra pudess siglir en per Sursaissa

Claustra pudess surpigliar il campiunadi mundial da para ski da Sursaissa.

Territori da skis.
Legenda: Il campiunadi mundial da para ski pudess avair lieu a Claustra empè da Sursaissa. Keystone

I fiss bel da tuttina manar tras il campiunadi mundial da para ski en il chantun Grischun. Quai suenter che Sursaissa desista da manar tras il campiunadi. Da quest avis è l'anteriur gestiunari dal HCD e manager d’events, Peter Baetschi. Perquai ès el vegnì activ. En ses egls fiss Madrisa il territori ideal per quest eveniment.

Ins saja vi da sclerir la situaziun cun turistichers al lieu e las pendicularas. L'interess saja qua. Il temp è dentant stgars. Ils campiunadis mundials da para ski èn planisads gia il mars 2019. L’entschatta da zercladur duaja vegnir decis sch’il project vegnia persequità vinavant u betg.

Sursaissa aveva annunzia l'avrigl da desister da manar tras ils campiunadis. Las pretensiuns per l'event sajan creschidas memia fitg.

RR novitads 12:00