Siglir tar il cuntegn

Ulteriur Grischun Pajas da la suprastanza da Cuira na duain betg vegnir scursanidas

Cun 17 cunter 3 vusch recumonda il cussegl communal da dir da na a l’iniziativa «200'000 francs paja l’onn sun avunda».

Il cussegl communal cusseglia da dir da na a l’iniziativa per scursanir las pajas da la suprastanza da Cuira.
Legenda: Il cussegl communal cusseglia da dir da na a l’iniziativa per scursanir las pajas da la suprastanza da Cuira. RTR F.Caduff

Il cusseglier communal da Cuira Beath Nay ha lantschà l’iniziativa «200'000 francs paja l’onn sun avunda». Cun l‘iniziativa vulan el e ses ulteriurs collegas da la PPS Cuira sbassar las pajas da la suprastanza da la citad da Cuira.

L'iniziativa pretenda che las pajas dals cussegliers vegnian reducidas a partir dal 2017 per 50'000 francs, quella dal president per 30'000 francs l'onn.

Davart l’iniziativa vuschan ils da Cuira ils 5 da zercladur. Lura vegn er elegì ina nova suprastanza ed in nov parlament per la citad.