Siglir tar il cuntegn

Header

Navigaziun

Legenda: Guardar il video Outlet Landquart avert era las dumengias. Durada 03:26 minutas.
Or da Telesguard dals 19.02.2015.
cuntegn

Ulteriur Grischun Outlet è satisfatg

Il manager dal center Claudio Poltera è led da la decisiun dal cussegl federal. Ins vegni dentant anc ad examinar ella e lura decider proxims pass. Pli euforic vesa quai or en las stizuns. Tut ils vendiders dumandads èn fitg cuntents che las stizuns dastgan uss er esser avertas la dumengia.

Quai saja il pli ferm di da l’emna e la fin d’emna, cunzunt la dumengia saja fitg decisiva per la fatschenta. Cun quella decisiun saja segiramain vegnì salvà bleras plazzas ed er stizuns èn ils vendiders persvas. Sper quai fetschia quai er plaschair da lavurar cura ch’i marscha bler, uschia ina vendidra. Il temp giaja bler pli spert ed i saja interessant d’avair er clientella internaziunala.

Er tar ils clients tuni positiv – i saja sa chapescha bun sch’ins possia er la dumengia ir a far cumissiuns. Ina clienta ha dentant manegià ch’ins duai la dumengia na betg avair avert davent da la damaun baud fin la saira tard, i saja en scadin cas da prender resguard sin ils collavuraturs.