Siglir tar il cuntegn
cuntegn

Ulteriur Grischun Novas colliaziuns da Bus alpin en il Partenz

A Pany/St.Antönien duaja dar novas colliaziuns da traffic public cun trais alps. La regiun è perquai daventada commember dal Bus alpin.

Ina da las alps sur St. Antönien cun vatgas.
Legenda: Trais alps a Pany/St. Antönien duajan en l'avegnir esser cuntanschiblas la stad cun il Bus alpin. Keystone

La Regiun dal Partenz Pany-St.Antönien è nov commember da l’uniun Bus alpin. La dumonda da la vischnanca Luzein saja vegnida approvada pir dacurt ha communitgà l'uniun Bus alpin. Planisadas èn colliaziuns cun trais alps a St. Antönien. Quellas eran enfin ussa cuntanschiblas mo a pe u cun l’auto. Per questa stad è previs in manaschi d’emprova.

Sper la regiun en il Grischun è cun Lenk-Simmental er ina regiun da la Part sura bernaisa da nov commember da l'uniun. En tut porscha il Bus alpin uschia colliaziuns en 15 regiuns muntagnardas.

RR novitads 11:00