Siglir tar il cuntegn

Header

cuntegn

Ulteriur Grischun Nova finanziaziun dal turissem a Claustra – pro e contra

La populaziun da Claustra Serneus votescha ils 27 da november davart ina nova finanziaziun dal turissem. Surtut ils possessur d'abitaziuns secundaras stuessan pajar in bun tant dapli.

Cumpareglià cun l’onn 2008 ha Claustra pers radund 40% da las pernottaziuns, ed uschia taxas da 550’000.- francs l’onn. La lescha actuala saja antiquada e cumplitgada, di il president communal Kurt Steck. La nova lescha saja pli gista.

Possessurs d'abitaziuns secundaras ston pajar il quint

audio
Mezdi: Claustra – Pro e contra finanziaziun dal turissem
ord Actualitad dals 15.11.2016.
laschar ir. Durada: 2 minutas 40 Secundas.

Danov na duai betg pli vegnir pajà per notg, mabain per chombra, letg u grondezza d’abitaziun. La vischnanca quinta cun novas entradas da passa 1 milliun francs. Quests danes gidian da finanziar il bogn, las loipas, las sendas da viandar e la patinera. La finamira è da mantegnair il standard d’ozendi.

La gronda part da quests milliuns stuessan ils possessurs d'abitaziuns secundaras pajar. Quels hajan pajà memia pauc enfin ussa, di il president Kurt Steck.

Ils possessurs sa dostan

Quai saja simplamain ina pretensiun, di Karl Boxler da la cuminanza d’interess dals possessurs d'abitaziuns secundaras. Natiralmain n’hajan els betg tschaffen da pajar dapli, tant pli che la vischnanca n’haja gnanc ina visiun turistica, tge far cun ils daners. Ultra da quai na saja quai betg gist bel ch’els vegnian vesids sco osps e betg sco abitants.

RR actualitad mezdi 11:00

Artitgels legids il pli savens