Siglir tar il cuntegn
cuntegn

Ulteriur Grischun Nova dramaturga per il teater Cuira: Ad Arioli segua Mojzes

Il teater da Cuira cumenza la nova stagiun cun ina nova dramaturga. Il cumenzament d'october surprenda Gabriella Mojzes l'incarica dad Ann-Marie Arioli. Quai scriva il teater en ina communicaziun a las medias.

Portrait dad ella.
Legenda: Il teater da Cuira cumenza la nova stagiun cun ina nova dramaturga, cun Gabriella Mojzes. mad

Gabriella Mojzes surpiglia l’incarica a partir da l'october che vegn per ina stagiun da teater. Ella occupa ina plazza da 60%. Dal 2010 fin 2017 è Mojzes stada dramaturga, intermediatura e responsabla per lavur da publicitad al Theater Stadelhofen a Turitg. La dramaturga nova è naschida il 1969 en Ungaria, è burgaisa dubla ungarais-svizra e viva cun sia famiglia a Turitg.

La dramaturga nova succeda a la co-directura e dramaturga Ann-Marie Arioli. Tenor communicaziun mida Ann-Marie Arioli suenter set onns tar il teater da Cuira sco co-manadra e manadra da la gestiun commerziala a Turitg tar il Miller's Theater.

RR novitads 15:00