Siglir tar il cuntegn
Inhalt

Ulteriur Grischun Nov stabiliment per mantegnair vias a Dalvazza

Il chantun inaugurescha mesemna ina nova basa per il mantegniment da las vias e meglierescha uschia la situaziun en il Partenz.

Stabiliment.
Legenda: La nova basa per il mantegniment da vias a Dalvazza. MAD

La nova basa a Dalvazza en la vischnanca da Luzein remplazza ils stabiliments actuals a Fideris. Quels na correspundian betg pli a las pretensiuns actualas areguard la grondezza, areguard la realisaziun architectonica ed areguard l'equipament tecnic. Quai scriva la regenza grischuna.

Er il silo da sal existent cumpiglia mo ina part dal volumen necessari. Per motivs da plazza n'è in engrondiment al lieu existent betg stà pussaivel.

Nov collavuraturs èn staziunads a Dalvazza. Els mantegnan totalmain 78 kilometers via. Dasper la rait da las vias chantunalas tutgia era tiers il mantegniment funcziunal da la via naziunala N28 tras il Partenz.

Custs da passa 5 milliuns francs

Ils custs budgetads da 5,3 milliuns francs per la nova basa per il mantegniment da las vias a Dalvazza hajan pudì vegnir observads. L'Uffizi federal da vias ASTRA sa participescha cun 69% als custs da construcziun.

RR novitads 14:00