Siglir tar il cuntegn

Header

Navigaziun

Beatrice Baselgia en il biro a Domat. A partir dal schaner 2017 sesa lura ses successur Erich Kohler sin questa sutga.
Legenda: Beatrice Baselgia en il biro a Domat. A partir dal schaner 2017 sesa lura ses successur Erich Kohler sin questa sutga. RTR, Maurus Candrian
cuntegn

Ulteriur Grischun Nov onns a la testa da Domat

Beatrice Baselgia è dapi il 2007 presidenta communala da Domat. Uss sa retira ella da la politica communala.

Beatrice Baselgia è stada presidenta communala da Domat a partir da l’onn 2008 enfin l’onn 2016. Ils 31 da december 2016 è per ella l’ultim di en uffizi. La politicra da 60 onns era l’emprima dunna e l’emprima socialdemocrata en quest uffizi.

L'emprima giada il 2007

Il suveran da Domat ha elegì l’emprima giada Beatrice Baselgia ils 17 da zercladur 2007 sco successura da Peter Wettstein da la Partida liberaldemocratica (PLD). Cunquai che ni la PLD, ni ils cristiandemocrats (PCD) ni la Partida populara svizra (PPS) han gì da lezzas uras in candidat ni ina candidata, n’era l’elecziun da Beatrice Baselgia nagina surpraisa.

Reelecziun senza problems

Las reelecziuns dals onns 2008 e 2012 ha ella dumagnà suveran e senz’avair gì remartgabels concurrents per il post.

Cunquai è Beatrice Baselgia è stada sur nov onns la presidenta sanestrà entaifer ina vischnanca cun tant ina suprastanza burgaisa sco er cun in cussegl communal dominà da politichers burgais. Quai saja dentant betg stà in problem, schebain che la glieud guardava exact tge ch’ella faschevi a l’entschatta, sco ella di.

Plirs puncts impurtants

Puncts impurtants da ses temp sco presidenta da Domat èn stads il naufragi da la resgia gronda sin l’areal d’industria Vial Tuliu a Domat, la bova da la Val Parghera, las discussiuns enturn la Via Nova chantunala che maina atras il vitg sco era la creschientscha da la populaziun en general.

Cuntinuaziun en il Cussegl grond?

La politicra ch’è gia dapi totalmain sur 20 onns deputada en il Cussegl grond dal chantun Grischun, è uss leda da pudair s’orientar da nov. Sch’ella candidescha per in’ulteriura perioda da legislatura a partir da l’onn 2018 en il Cussegl grond nun sa ella betg anc.

RR actualitad 17:00