Siglir tar il cuntegn
cuntegn

Ulteriur Grischun Nov kino a Cuira è in pass enavant

Il biro d'architectura Domenig e la vischnanca burgaisa da Cuira han suttascrit il contract da dretg da construcziun. Enfin la stad da l'onn 2018 vul il biro d'architectura Domenig avair construì in cumplex cun otg salas da kino e pliras ustarias.

Datiers da las turs schumellinas City West duai dar in grond cumplex da kino - ins vesa las duas turs e l'inscripziun City West Hotel & Restaurant
Legenda: Datiers da las turs schumellinas City West duai dar in grond cumplex da kino. Keystone

Gestiunar il manaschi duai probabel la fatschenta Cinetrade che maina gia divers kinos en Svizra. Tenor il manader da Cinetrade ha il nov project potenzial a Cuira, malgrà ch'i existan gia dus kinos en la citad. Blera glieud da Cuira e conturn giajan anc savens enfin a Hohenems en l'Austria a kino. Là existia medemamain in grond cumplex da kino cun pliras salas ed ustarias.

RR novitads 18:00