Il nov apparat da trair flad vesa ora fitg simpel: in meter e mez aut, in monitur ed intgins buttuns. Lien sa chatta dentant hightec. L'apparat bada sez sch'il pazient cumenza puspè da trair sez il flad. El s'adattescha lura al pazient. Quai gida ferm a vegnir puspè san.
Cuira, Berna, America
Tenor il CEO da la Hamilton, Andreas Wieland, saja la dumonda gronda. 1'000 tocs sajan gia empustads. Sis giajan a l'ospital chantunal a Cuira, 60 a l'Inselspital a Berna u a l'ospital da l'universitad da Genevra. Era ospitals da renum en l'America sajan sin la glista, uschia Wieland. In apparat custa radund 70'000 francs.
Producids vegnan ils apparats dentant be a Panaduz. «Qua è la qualitad dada, ils lavurants èn top», di il CEO. Hamilton ha dentant era hallas da producziun en Rumenia ed en ils Stadis Unids. Là fissan il lavurants surdumandadas tar la tecnologia cumplexa dal apparat.
TSG 17:40/ RR Actualitad 07:00