Siglir tar il cuntegn
cuntegn

Ulteriur Grischun Nivla da taglia sur Luzein s'auza in zic

La vischnanca da Luzein sbassa il pe da taglia sin 85% da la taglia chantunala simpla. Quai ha decis la radunanza communala. Il suveran ha er approvà il preventiv 2017 che quinta cun ins gudogn da 330'000 francs tar entradas totalas da 8,5 milliuns francs.

La vischnanca da Luzein en la nivla mattutina.
Legenda: La vischnanca da Luzein sbassa ses pe da taglia per 10%. Keystone
  • Plinavant ha la radunanza communala da Luzein approvà il reglament per la rumida da naiv cun 70 a 0 vuschs. In nov reglament chaschuna a la vischnanca custs supplementars da radund 70’000 francs.
  • Er la lescha davart las zonas da ruaus per la selvaschina è vegnida approvada, quai cun 42 a 10 vuschs. Las zonas da ruaus per la selvaschina valan da nov mintgamai pir a partir dals 20 da december.
  • A la fin èsi cun 70 a 0 vuschs vegnì decis da fundar l’allianza da taglia dal Partenz e d'entrar en quella. Il cussegl da vischnanca ha survegnì la cumpetenza da suttascriver las cunvegnas correspundentas.

71 votantas e votants èn stads preschents a la radunanza communala.

RR novitads 11:00