Las ovras electricas da Turitg, ewz, han decidì da betg construir ils stgaudaments a distanza a Claustra-Serneus. Sco quai che l'ewz communitgeschan n'hajan els betg pudì serrar giu avunda conctracts necessaris per pudair manar a moda economica l'ovra.
Sco motivs numna l'ewz d'ina vart il fatg ch'ins n'avess betg pudì duvrar sco planisà l'aua dal tunnel dal Veraina e da l'autra vart ils pretschs per ieli bass. Planisà era in implant che fiss vegnì stgaudà cun zinslas da laina exclusivamain ord il guaud da Claustra.
RR novitads 06:00