Siglir tar il cuntegn
Inhalt

Ulteriur Grischun Nagins gronds incaps durant il tschaiver

La polizia da Cuira fa ina buna bilantscha per il tschaiver a Cuira. 26 giadas hajan els stuì intervegnir, per grond part per schliar dispitas.

La Grabenstrasse suenter il til tras Cuira.
Legenda: La Grabenstrasse suenter il til tras Cuira. RTR, Flurin Clalüna

35 persunas da la polizia da Cuira eran durant la fin d'emna en acziun. Els han survegnì sustegn da la polizia chantunala, dal servetsch civil, sco era d'in servetsch da segirezza privat. Durant il til n'è betg capità bler.

Durant la notg sin dumengia hai dentant adina puspè dà pitschnas bastunadas, per il solit tranter persunas sturnas. La polizia era però fitg preschenta, els pudevan spert schliar las baruffas. Ina persuna è vegnida arrestada e messa en ina cella per far passar la sturnadad. La sanitad ha stuì tgirar trais persunas pervi da lur sturnadad.

Per mantegnair il urden tranter las 19'000 aspectaturs, era la polizia pront cun in grond dumber da policists. Vinavant han els svià il traffic tras Cuira.

RR novitads 16:00