Siglir tar il cuntegn

Ulteriur Grischun Museum da Kirchner sclerescha derivanza da radund 80 maletgs

Il museum da Kirchner a Tavau vegn sustegnì da l'Uffizi federal da cultura per sclerir la derivanza da differents maletgs. En il museum sa chattan radund 80 ovras da Ernst Ludwig Kirchner ed auters artists da la classica moderna. La derivanza da questas ovras duai vegnir perscrutada pli exact.

Ina stanza en il museum cun divers maletgs.
Legenda: Il museum da Kirchner a Tavau vegn sustenì da l'Uffici federal da cultura per sclerir la derivanza d'intgins maletgs. MAD

L'Uffizi da cultura sustegn ils onns 2016 / 2017 per l'emprima giada la perscrutaziun da provegnientscha. 12 projects vegnan sustegnids cun totalmain 907'833 francs. Uschia sa vegnir sclerì a moda scientiffica la derivanza dals maletgs che pudessan esser art spoglià durant la segunda querra mundiala. Ils resultats da questas perscrutaziuns vegnan era fatgas publicas.

Perscrutaziun da provegnientscha

La perscrutaziun da provegnientscha è la basa per chattar sliaziuns gistas e dretgas per l'art che stat en connex cun las «directivas da l'art spoglià da l'NS» durant la segunda guerra mundiala. Quellas directivas perscrivan che la derivanza d'art en connex cun la NS stoppia vegnir sclerida.

Il museum da Kirchner a Tavau è fitg cuntent da survegnir quest sustegn da l'Uffici federal da cultura che pussibilitescha da lavurar si l'inventari a moda e maniera corecta e responsabla.

RR novitads 11:00