Siglir tar il cuntegn

Ulteriur Grischun Museum d'art dal Grischun – grond plus da visitas

Il Museum d'art dal Grischun ha carmalà marcantamain dapli visitaders l'onn passà. Tut en tut hajan passa 47'900 persunas visità las exposiziuns dal 2017. Ils ultims onns muntava il dumber en media tranter 20'000 e 25'000, ha confermà il co-directur dal museum, Stephan Kunz envers RTR.

Legende: Video Gaudenz Signorell expona en il museum d'art abspielen. Laufzeit 2:51 Minuten.
Or da Actualitad video dals 31.01.2018.

Sper il program d'exposiziuns è il nov bajetg probabel er stà in impurtant factur per questas bunas cifras. Pertge gia il 2016 aveva il museum registrà in cler augment dals visitaders cun 37'000. Quai malgrà ch'il museum è stà avert be 6 mais pervia da l'avertura dal bajetg nov.

Mesemna ha il museum preschentà il program da quest onn. I dat diversas exposiziuns sco per exempel il «museum en moviment» cun ovras da Peter Trachsel u er in'installaziun da Sara Masüger. L'emprima exposiziun gronda sa deditgescha a las lavurs da l'artist-fotograf Gaudenz Signorell.

Exposiziuns 2018 dal museum d'art

24.02. – 27.05.2018
Gaudenz Signorell
Carte de visite
24.02. – 19.08.2018
Peter Trachsel
Museum en moviment
13.05. – 21.10.2018

Fokus GRafik. Preschentaziun da la collecziun en il cabinet grafic
30.06. – 21.10.2018
Adina auter, adina tuttina. In'emprova davart art e sistems
15.09.2018 – 06.01. 2019
Sara Masüger
15.09.2018 – 06.01.2019
Hugo Weber ed Alberto Giacometti
10.11.2018 – 27.01.2019
Daniel Schwartz
Odissea da glatschers
09.12.2018 – 27.01.2019
Exposiziun annuala da las artistas e dals artists grischuns 2018

RR novitads 15:00