Dus motociclists eran sin viadi venderdi suentermezdi da Schiers en direcziun Landquart. Tenor las emprimas enconuschientschas èsi vegnì ad ina franada andetga sin l'autezza da Grüsch. Il motociclist è catapultà davantora e cupitgà cun la saiv da segirezza. Malgrà las mesiras d'urgenza è l'um da 58 onns anc mort al lieu da l'accident. Ses collega ha gì in schoc ed è vegnì blessà levamain. Cunquai ch'il traffic è vegnì svià tras Grüsch ha i dà colonnas en omaduas direcziuns. La Procura publica e la polizia intercureschan uss l'andament da l'accident.
RR novitads 20:00