Siglir tar il cuntegn

Header

Navigaziun

In mercedes cun viertgel dal motor e fanestra frontala demolida.
Legenda: Las persunas en l'auto n'èn betg vegnidas blessadas. Polizia chantunala
cuntegn

Ulteriur Grischun Mort nunenconuschent sin l'A13

Il mardi saira enturn las 22:00 è in auto collidà cun ina persuna ch'è sa chattava sin il vial da l'autostrada.

L'auto charrava en direcziun sid, cura ch'el è collidà en la regiun dal tunnel Isla Bella cun in um ch'era sin il vial da l'autostrada. Tgi che quest peduns è, n'è betg enconuschent. Tenor la polizia haja el bandunà vers las 20:25 in camiun blau cun in char annex alv. Sco la Polizia chantunala ha ditg sin dumonda dad RTR, haja il char annex ina furma speziala, dapli na saja dentant betg enconuschent. La polizia tschertga perditgas e persunas che pudessan dar scleriment davart tgi che quest um è stà.

Polizia tschertga indizis

Malgrà ch'ina squadra d'ambulanza ha guardà da l'um, è quel mort anc sin il lieu. Las persunas che charravan en l'auto n'èn betg vegnidas blessadas.

RR novitads 11:00