Siglir tar il cuntegn
Inhalt

Ulteriur Grischun Mesiras per reducir traffic portan pauc

La finamira è clera: damain colonnas cun reducir il tempo tranter Zezras e Tusaun. Sin plirs tschancuns vegn il tempo reducì durant ina fasa da test sin 100 u schizunt 80 kilometers l'ura. Tar fitg bler traffic porta quai dentant pauc.

Er questa fin d'emna hai dà lungas colonnas.
Legenda: Colonna A13 Er questa fin d'emna hai dà lungas colonnas. Keystone

Cun reducir il tempo vul la polizia chantunala er reducir las colonnas. Sin plirs tschancuns tranter Zezras e Tusaun vegn il tempo reducì durant pliras fins d'emna da stad sin 100 u schizunt be sin 80 kilometers. Uschè duai il traffic pudair rudlar meglier ed i duai dar pli paucas colonnas.

Test dad RTR

Cun far il test davent da Cuira a Tusaun la sonda avantmezdi n'han quellas mesiras betg mussà bler effect. I aveva simplamain memia bler traffic. Da principi è la limita da fin d'emna tranter Cuira sid e Reichenau la Punt tar 80 kilometers l'ura, quai porta dentant pauc sch'i è be pussaivel da charrar 30 kilometers l'ura. La polizia n'ha anc betg fatg in facit enfin uss.