Avant l’uffizi civil da Cuira, sin il Kornplatz, vegn tratg ris e figlia da rosas, u sufflà borlas da savun. Ils nozzadurs dattan quest venderdi bunamain la manetscha in a l’auter en il maun. Il viturin che spetga sin dus nozzadurs raquinta, ch’el haja stuì dir giu a dus pèrs per quest di.
Legenda:
Il viturin è tschertgà.
RTR, Angela Hendry
audio
Saira: Maridar ils 07-07-2017
ord Actualitad dals 07.07.2017.
laschar ir. Durada: 2 minutas 31 Secundas.
In termin apprezià ...
La spusa che sesa en la charrotscha raquinta, ch’ella haja gì fadia da pudair reservar questa data. Impurtant saja quai per ses um. Lez conceda, che la cifra 7 saja sia cifra preferida e ch’il termin saja forsa er pli simpel da tener endament.
... u casualitad
In auter pèr raquinta ch’il termin saja spir casualitad, quai era la suletta data che gieva a tuts. Ussa saja quai ina bellezza data, perquai ch’els hajan maridà quest di.
RR actualitad 17:05