Crap da stgarpitsch
Sin ina parcella en il quartier Selviwingert èn planisadas sis chasas da pliras famiglias cun bun 50 abitaziuns. In dals adversaris è Hans Jörg Müntener che ha inoltrà ina moziun per evitar che la parcella vegnia surbajegià. Damai che la zona Selviwingert è dapi l’onn 1988 en la zona da bajegiar sajan bajetgs pli gronds pussaivel aveva la presidenta communala Susanne Krättli-Lori declerà. Cun ina revisiun parziala da la lescha da bajegiar han Müntener e ses aderents vulì midar quella situaziun.
Decisiun piz a cup
Sco quai che la vischnanca da Malans scriva era la decisiun piz a cup cun 116 cunter 110 vuschs. La radunanza communala ha renvià ina revisiun parziala da la lescha da bajegiar e qua tras è la moziun da Müntener vegnida tractada sco terminada. A la radunanza communala èn 232 persunas sa participadas.
RR novitads 15:00